ឯកឧត្តមបណ្ឌិត ធន់ វឌ្ឍនា និងលោកជំទាវ ព្រមទាំងសមាជិកព្រឹទ្ធសភាប្រចាំភូមិភាគទី១ អញ្ជើញចូលរួមពិធីបុណ្យខួបគម្រប់៧ថ្ងៃ មហាឧបាសិកាពុទ្ធសាសនូបត្ថម្ភក៍ ហាក់ ស៊ីផេន
នារសៀលថ្ងៃចន្ទ ទី៦ ខែមករា ឆ្នាំ២០២៥ ឯកឧត្តមបណ្ឌិត ធន់ វឌ្ឍនា អនុប្រធានទី២ព្រឹទ្ធសភា និងលោកជំទាវ ព្រមទាំងសមាជិកព្រឹទ្ធសភាប្រចាំភូមិភាគទី១ (រាជធានីភ្នំពេញ) រួមមាន ឯកឧត្តម ម៉ាន់ ឈឿន អនុប្រធាន ឯកឧត្តមបណ្ឌិត ចែម វីឌ្យ៉ា លេខាធិការ លោកជំទាវ ម៉ាណ ណាវី សមាជិកា លោកជំទាវ មុំ សណ្តាប់ សមាជិកា និងឯកឧត្តម ង៉ែត ចដ្តាវី សមាជិក បានអញ្ជើញចូលរួមពិធីបុណ្យខួបគម្រប់៧ថ្ងៃ ឧទ្ទិសមហាកុសលជូនចំពោះវិញ្ញាណក្ខ័ន្ធមហាឧបាសិកាពុទ្ធសាសនូបត្ថម្ភក៍ ហាក់ ស៊ីផេន ដែលត្រូវជាអ្នកម្ដាយបង្កើតរបស់លោកជំទាវ សុង ធីតា និងជាអ្នកម្ដាយក្មេករបស់ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ នៅវត្តនិគ្រោធវ័ន ហៅវត្តគល់ទទឹង។
ប្រភព៖ ខុទ្ទកាល័យអនុប្រធានទី២ព្រឹទ្ធសភា
